Glumica Jelisaveta Orašanin otvoreno je govorila o tome koliko joj tokom karijere znače prijatelji s klase i ljudi koji su uz nju od samih početaka.
Iako je publika najčešće doživljava kroz uspješne uloge i premijere, ističe da se iza svakog uspjeha kriju godine rada i odricanja.
Upravo zato, kako kaže, neprocjenjivo joj je što uz sebe ima kumove i kolege koji su prošli isti put.
„Mnogo mi znači što imam kume, klasu i prijatelje. To su ljudi koji tačno znaju kako izgledaju naši usponi, padovi, čekanja, nesigurnosti i velika uzbuđenja. U ovom poslu vas javnost često vidi samo kroz premijere i uspjehe. A zapravo iza svega stoje godine rada, odricanja i preispitivanja. Zato je dragocjeno imati nekoga ko vas razumije bez suvišnih riječi“, rekla je jednom prilikom glumica za Hellomagazin.rs.
Dok javnost ne prestaje da bruji o razvodu glumice Jelisavete i proslavljenog košarkaša Miloša Teodosića, pažnju je privukla jedna njena stara izjava. Naime, glumica je istakla da između nje i Teodosića nije bilo ozbiljnih bračnih nesuglasica, kao i da su njih dvoje gradili odnos zasnovan na međusobnom razumijevanju.
“Ovo zvuči kao namještaljka, ali mi nemamo bračne nesuglasice. Kada izađemo u grad, ja se non-stop dopisujem s Milošem. I onda, recimo, kuma kaže: „Jao, i Miloš je večeras s nama.“ Tako da mi zaista nemamo to, ili smo se jednostavno upoznali u trenutku kada smo zreli ljudi. U početku se ispituju granice – dokle ja mogu da se ljutim ili dokle on može da se ljuti. Prosto smo shvatili gdje su te granice i ne prelazimo ih. Mjera je mama, mjera za sve”, rekla je tada Jelisaveta Orašanin.
hype2usa.com/A.Č.
